चंद्र आहे साक्षीला या मालिकेतील गुढ प्रेक्षकांचं लक्ष वेधतोय. श्रीधरने नकळतपणे स्वातीच्या आयुष्यात पाऊल ठेवलं आणि तिचं आयुष्य बदलून टाकलं. दोघांमध्ये प्रेम फुलू लागलं आणि स्वाती श्रीधरच्या जाळ्यात अडकली. स्वातीसमोर स्वत:ला प्रामाणिक म्हणून सिद्ध करण्यासाठी त्याने अनेक डाव रचले. 

श्रीधरने स्वातीसोबत पळू जाऊन लग्न करण्याचा विचारही केला आणि त्या जाळ्यातही ती अडकली.

  या मालिकेत स्वाती आणि श्रीधरची रेशीमगाठ जुळणार आहे. मात्र हे कसं घडलं या सगळ्या गोष्टीचा खुलासा लवकरच होणार आहे. 

नुकतेच या लग्नसोहळ्याचे फोटो देखील समोर आले आहेत. कलर्स मराठीने प्रदर्शित केलेल्या नव्या प्रोमोमध्येही दोघांचं लग्न पाहायला मिळतय. मात्र या दोघांच्या लग्नाला मिना आत्याचा पूर्णपणे विरोध आहे. त्यामुळे अचानक तिथे मिना आत्याच्या येण्याने काय होईल ? तिच्या येण्याने श्रीधर आणि स्वातीच्या नात्याला गालबोट लागणार नाही ना ? हे मालिकेच्या पुढील भागांमधून समोर येईलच.