तेजश्री प्रधान, निवेदिता सराफ, गिरीश ओक आणि रवी पटवर्धन यांची प्रमुख भूमिका असलेली 'अग्गंबाई सासुबाई' या मालिकेने अल्पावधीत प्रेक्षकांची लोकप्रियता मिळवली. वेगळं कथानक आणि कलाकारांचा उत्तम अभिनय यामुळे या मालिकेने प्रेक्षकांची मनं जिंकली.
गेल्या काही दिवसांपासून सर्वांचे लाडके आणि कडक शिस्तीचे आजोबा मालिकेत दिसत नव्हते. आजोबांची भूमिका करणारे ज्येष्ठ अभिनेते रवी पटवर्धन प्रकृती अस्वास्थ्यामुळे मालिकेच्या शूटिंगला उपस्थित राहू शकले नाहीत.
परंतु आता त्यांची प्रकृती उत्तम असून ते मालिकेत परतले आहेत. इतकंच नव्हे त्यांच्या मालिकेतल्या पुनरागमनची एक छोटी झलक सोशल मीडियावर लोकप्रिय झाली आहे. त्यामुळे सर्वांचे लाडके आजोबा अर्थात अभिनेते रवी पटवर्धन मालिकेत परतल्याने मालिकेच्या चाहत्यांना नक्कीच आनंद झाला असेल.
