बिग बॉस मराठीच्या घरात नुकत्यात पार पडलेल्या दुसर्‍या उपकार्यामध्ये टीम A विजयी ठरलीय. आणि त्यामुळेच टीम B ला बिग बॉसच्या पुढील आदेशापर्यंत घरातील फर्निचर वापरता येणार नाही असे बिग बॉस यांनी जाहीर केले. नुकत्याच झालेल्या साप्ताहिक कार्यामध्ये बाथरुम पणाला लागलय तेव्हा या उपकार्यात कोण विजयी ठरेल हे आज पाहायला मिळेल.

यासोबत बिग बॉस मराठीच्या घरामध्ये आज अजून एक उपकार्य रंगणार आहे. 'फळ की निष्फळ' असं या कार्याचं नाव असून यामध्ये पणाला लागणार आहेत घरातील फळं. या उपकार्यातील विजयी टीममधील सदस्यांना घरातील फळं खाण्याची परवानगी असेल.  

आगामी भागात विशाल विकासची माफी मागणार आहे. टास्कदरम्यान काहितरी बिनसलं असल्याचं विशालच्या लक्षात आल्याने  विकासला विशाल आपल्या मनातील गोष्ट सांगणार आहे. विशाल म्हटला की, “टास्क संपला भावा, टास्कचा विषय तिथेच सोड. तुला माहिती आहे मी कसा खेळतो आणि मला माहिती आहे तू कसं खेळतोस. हा गेम इथे संपला विषय इथे सुटला. आणि शेवटी दरवाजा बंद करून आपल्याला जायचं आहे हे लक्षात ठेव. आणि जे काही मी तुला रागाने बोललो असेल मला बोलण्याची इच्छा नव्हती मी माफी मागतो. हा गेम आहे. तू खूप भारी खेळतोस. तू इन्सपिरेशन आहेस माझं आणि मनात काही राग ठेऊ नकोस”. 
 

नेमकं या कार्यात काय घडलं ज्यासाठी विशालला विकासची माफी मागावी लागली ? या उपकार्यांमध्ये कोणती टीम बाजी मारते हे पाहणं महत्त्वाचं ठरेल.