'महाराष्ट्राज बेस्ट डान्सर' या कार्यक्रमाने अनेक डान्सवेड्या प्रेक्षकांचं मनोरंजन केलं. याशिवाय विविध डान्स टॅलेंटला या कार्यक्रमातून वाव मिळाला. एकापेक्षा एक डान्सर्स या कार्यक्रमात पाहायला मिळाले. त्या स्पर्धकांनी जीव तोडून मेहनत घेतली. आणि आता या कार्यक्रमाचा ग्रँड फिनाले सोहळा काहीच दिवसांवर येऊन ठेपलाय. येत्या रविवारी 'महाराष्ट्राज बेस्ट डान्सर'चा महाअंतिम सोहळा पार पडतोय.
या महाअंतिम सोहळ्यात अनेक डान्स परफॉर्मन्स पाहायला मिळणार आहेत. याशिवाय विविध पाहुण्यांची हजेरी या सोहळ्याला लाभेल. प्रसिद्ध अभिनेते सचिन पिळगावकर आणि पत्नि सुप्रिया पिळगावकरही या सोहळ्यात सहभागी झालेले दिसतील. नुकत्याच प्रदर्शित झालेल्या प्रोमोत ते पाहायला मिळतय.
प्रसिद्ध कोरिओग्राफर धर्मेश आणि अभिनेत्री पूजा सावंत हे या कार्यक्रमाचे परिक्षक आहेत. तेव्हा महाअंतिम सोहळ्यात त्यांचेही खास परफॉर्मन्स पाहायला मिळणार आहेत. विशेष म्हणजे यानिमित्ताने पूजा सावंतचा ग्रँड डान्स परफॉर्मन्स पाहायला मिळणार आहे. त्याचा प्रोमो नुकताच प्रदर्शित करण्यात आला आहे. पूजाच्या डान्सिंग अदांनी हा सोहळा आणखी रंगेल यात शंका नाही. या परफॉर्मन्ससाठी पूजाने खास तयारी केली आहे.
तेव्हा या महाअंतिम सोहळ्या विजेतेपदाची ट्रॉफी कोणत्या स्पर्धकाच्या हाती येते हे पाहणं महत्त्वाचं ठरेल.
