'राजा रानीची गं जोडी' या मालिकेत विविध वळणं बघायला मिळत असतानाचा प्रेक्षकांना एका ट्विस्टमुळे मोठा धक्का बसणार आहे. हा ट्विस्ट असेल कुसुमावती यांच्याविषयीचा. ढालेपाटीलांच्या घरामध्ये अपर्णाच्या पुन्हा एकदा येण्याने घरातला माहोल ताणतणावाचा झाला आहे. अपर्णाच्या स्वभावाचा त्रास सगळ्यांना होऊ लागला असून सुजित सोबतच घरातील सगळ्यांना तिचा त्रास होत आहे. तरीदेखील संजू – रणजीत त्यामधून मार्ग काढत आहेत.
अपर्णाच्या धमक्या काही कमी होत नाहीये तर दुसरीकडे पंजाबराव, राजश्री आणि दादासाहेब यांची कटकारस्थानं काही थांबत नाहीयेत. दादासाहेब – राजश्री देखील काहीतरी कटकारस्थान करत आहेत यावर संजूला संशय आहे. संजू - रणजीत समोर नवीन संकटी उभी रहातात आणि दोघही एकत्र त्यांना सामोरं जातात., ढाले - पाटील कुटुंबाविरोधात कटकारास्थान रचली जातात पण आजवर संजूने खंबीरपणे रणजीतच्या साथीने त्यावर मात केली आहे. अपर्णाच्या वागणुकीने आता तिचाच घात तर नाही ना होणार ? अपर्णा आता राजश्रीकडे पैसे मागणार असून ते कुसुमावती आणि संजूला कळणार आहे.
यावर उपाय म्हणून कुसुमावती संजूला सांगणार आहे मी बघते अपर्णाचं काय करायचे. दुसरीकडे मोना आणि अपर्णामध्ये बाचाबाची होणार आहे. ज्यामध्ये अपर्णा मोनाला बऱ्याच गोष्टी सुनावणार आहे. मोना रागाने अपर्णाला कानाखाली मारणार आहे. ज्यानंतर अपर्णा सुजितला धमकणार आहे. हे सगळं झाल्यानंतर एकीकडे आईसाहेब आणि दुसरीकडे सुजित अपर्णाला भेटायला निघणार आहेत. पण, जेव्हा संजू – रणजीत पोहचतात तेव्हा अपर्णाचा मृत्यू झालेला दोघांना दिसणार आहे.
नुकत्याच समोर आलेल्या प्रोमोमध्ये दिसतय की अपर्णा कुसुमावती यांना धमकी देते आहे आता त्याचे परिणाम तिला भोगावे लागणार का ? कुसुमावती अपर्णाला जीवे मारण्याचा प्रयत्न करणार ? सुजित अपर्णाला काय सांगणार ? कोणावर येणार अपर्णाच्या खुनाचा संशय ? हे मालिकेच्या पुढील भागांमधून समोर येईलच.
